काठमाडौं ।
नेपाल ए ले तीन खेलको एक दिवसीय अभ्यास खेलअन्तर्गत आज क्यानडा ११ सँग खेल्नेछ ।
दुई सातापछि यूएईमा आईसीसी विश्वकप लिग-२ त्रिकोणात्मक सिरिज खेल्न जानुअघि क्यानडाले नेपालमा अभ्यास गरेको हो । नेपालसँग यसै साता तीन ओडीआई खेलमा क्लिनस्वीपको हार व्यहोरेको थियो ।
नेपाल ए र क्यानडा ११ बीचको पहिलो खेल आज बिहान ९:३० मा माथिल्लो मुलपानी क्रिकेट मैदानमा हुनेछ । नेपाल ए को कप्तानी विनोद भण्डारीले गर्नेछन् । प्रधानमन्त्री कप, यू १९ विश्वकप र नेपालको सिनियर टोलीमा नपरेका खेलाडीहरु नेपाल ए मा छन् ।
