काठमाडौँ ।

क्यानडाविरुद्धको पहिलो एकदिवसीय अन्तर्राष्ट्रिय क्रिकेट प्रतियोगितामा नेपालका ओपनर ब्याट्सम्यान कुशल भुर्तेलले अर्धशतक बनाएका छन् । उनी ५१ रन बनाउँदै क्रिजमा छन् ।

कुशलले ४४ बलको सामना गरी एक छक्का र आठ चौका हिर्काएका छन् । उनीसँगै कप्तान रोहित पौडेल आठ रन बनाउँदै क्रिजमा छन् । कुशलले अर्धशतक पुरा गर्दा नेपालले १३.४ ओभरमा एक विकेट गुमाएर ७१ रन बनाएको छ ।

नेपालले पहिलो विकेटका रूपमा ओपनर आशिफ शेखलाई गुमाएको थियो । उनी आठ रन बनाउँदै आउट भएका थिए । ९.१ ओभरमा उनी आउट हुँदा नेपालले ४८ रन बनाएको थियो । विकेटकिपर ब्याट्सम्यान आशिफलाई क्यानडाका बलर उदय भगवानले नवनित धालिवलद्वारा क्याच गराएका थिए ।

कीर्तिपुरस्थित अन्तर्राष्ट्रिय क्रिकेट मैदानमा नेपालले टस जिती पहिले ब्याटिङ गर्ने निर्णय लिएको हो । क्यानडा र नेपालबिच तीनवटा एकदिवसीय खेलको शृङ्खला हुनेछ ।