पोखरा ।
पोखरामा जारी आहा रारा गोल्डकपमा चर्च ब्वाइज युनाइटेड क्लवलाई पराजित गर्दै त्रिभुवन आमी क्लव फाइनलमा प्रवेश गरेको छ । अतिरिक्त समयमा २-१ ले हराउँदै त्रिभुवन आर्मी क्लब फाइनलमा पुगेको हो ।

पोखरामा भएको खेलमा आर्मीलाई जिताउन रसबहादुर मगरले ९९ औं मिनेटमा गोल गरेका थिए । रास बहादुर मगरले बसन्त जिम्बाको क्रसमा गोल गरेका हुन् ।

खेलको निर्धारित समयमा दुवै टिमबाट १–१ गोल भएपछि खेल अतिरिक्त समयमा थकेलिएको थियो । ६१ औं मिनेटमा दिनेश हेम्जनले गोल गर्दै आर्मीलाई अग्रता दिलाए पनि चर्च ब्वाइजका समिर तामाङले ८५ औं मिनेटमा गोल फर्काएका थिए ।

हेम्जनले करिब ३० यार्डबाट पाएको फ्रिकिकलाई सदुपयोग गर्दै बललाई विपक्षी गोलपोस्टको जाली चुमाए । ६१ औं मिनेटमा पेनाल्टी बक्स नजिकै उनलाई चर्च ब्वाइजका सन्तोष खत्रीले लडाउन पुगेका थिए ।