पोखरा ।
न्युजिल्यान्डले आइसीसी यू–१९ विश्वकपमा नेपाली युवा टोलीसामु ३ सय ३ रनको चुनौती प्रस्तुत गरेको छ । स्नेहित रेड्डीको आक्रमक शतकमा न्युजिल्यान्डले नेपाल सामु चुनौतीपुर्ण लक्ष्य प्रस्तुत गरेको हो ।
इष्ट लन्डनको बुफेलो पार्कमा टस जितेर ब्याटिङ रोजेको न्युजिल्यान्डले निर्धारित ५० ओभरमा ८ विकेटको क्षतिमा ३ सय २ रनको योगफल तयार पारेको हो ।
नेपालविरुद्ध स्नेहित रेड्डीले आक्रमक शतक पूरा गरे। उनले १ सय ६ बलमा ८ चौका र २ छक्का हान्दै शतक पूरा गरे ।
रेड्डी १ सय ४७ रनमा नटआउट रहे । उनले १ सय २५ बलमा ११ चौका र ६ छक्का प्रहार गरे । चौथो विकेटका लागि ओस्कार र स्नेहित रेड्डीले १ सय ५७ रनको शतकिय साझेदारी गर्दै न्युजिल्यान्डको इनिङस् उकासेका थिए ।
कप्तान ओस्कार ज्याक्सनले ७५ रन थपे। ८१ बलमा ३ चौका र ५ छक्का प्रहार गरेका ज्याक्सन आकाश त्रिपाठीको बलमा बोल्ड आउट भए ।
चौथो विकेटका लागि ओस्कार र स्नेहित रेड्डीले १ सय ५७ रनको शतकिय साझेदारी गर्दै न्युजिल्यान्डको इनिङस् उकासेका थिए । आकाशले ४२ औं ओभरको पाँचौं बलमा कप्तान ओस्कारलाई ७५ रनमा बोल्ड गर्दै साझेदारी तोडेका हुन्। ओस्कारले ८१ बलमा ३ चौका र ५ छक्का हाने ।
त्यसअघि ओपनर टम जोन्स ३३ रनमा तिलक भण्डारीको बलमा बोल्ड आउट भए। अर्का ओपनर लुक वाटसन १४ रनमा सुवास भण्डारीको बलमा बोल्ड आउट हुँदै पवेलियन फर्के। एलेक्स थोम्पसन सुवास भण्डारी कै बलमा १३ रनमा बोल्ड आउट भए ।
ओलिभर तेवाटिया शून्यमै आउट भए । जाक कुमिन्स गोल्डेन डकआउट भए । लच्लन स्टु्याकपोल डकआउट भए ।
नेपालका लागि सुवास भण्डारीले ३ विकेट लिए । उनले आफ्नो स्पेलमा ५३ रन खर्चे । गुल्सन झाले आफ्नो स्पेलमा ६१ रन खर्चेर २ विकेट लिए । दिपेश कँडेल, तिलक भण्डारी र आकाश त्रिपाठीले समान १/१ विकेट लिए ।
