हेनान ।
चीनको हेनान प्रान्तको एक विद्यालयको छात्रावासमा आगलागी हुँदा १३ जना बालबालिकाको ज्यान गएको चीनको आधिकारिक समाचार संस्था सिन्ह्वाले पुष्टि गरेको छ ।
शुक्रबार राति हेनान प्रान्तको यान्सापु गाउँमा रहेको यिङ्साई विद्यालयमा आगलागी भएको थियो । विद्यालय सञ्चालकलाई पक्राउ गरी घटनाको अनुसन्धान सुरु गरिएको छ ।
आगलागी हुँदा छात्रावासमा ३० जना विद्यार्थी रहको चिनियाँ समाचार एजेन्सीहरुले जनाएका छन् । बाँकी विद्यार्थीलाई सकुशल बाहिर निकालिएको छ ।
सिन्ह्वाका अनुसार सूचना पाएको एक घण्टाभित्र आगो निभाइएको थियो। आगलागीको कारण वा मृतकको पहिचानबारे आधिकारिक च्यानलहरूमा केही भनिएको छैन।
