काठमाडौं ।

अमेरिका र बेलायती सेनाले यमनमा हुथी विद्रोही लक्षित आक्रमण सुरु गरेका छन् ।

आफ्नो महत्वपूर्ण सहयोगी इजरायलले गाजामा हमाससँग युद्ध लडिरहेको बेला अमेरिकाले आफ्ना सहयोगीहरूसँगै मिलेर यमनमा आक्रमण सुरु गरेको हो ।मध्यपूर्वका इस्लामिक देशहरू गाजामा भइरहेको इजरायली आक्रमणको बिरूद्ध एकजुट देखिएका थिए, तर यमनमा हुथी लक्षित आक्रमणले स्थितिलाई जटिल बनाउन सक्ने छ ।

हुथीहरूलाई इरानले समर्थन गरेको छ र साउदी अरेबियाले यमनमा हुथीहरू विरुद्ध वर्षौंदेखि लडिरहेको छ ।