काठमाडौं ।
मंसिर १४ मा बैतडी झुलाघाटमा शुरु भएको नेकपा एमालेको समृद्धिका लागि संकल्प यात्रा आज (शनिबार) पाँचथर पुग्दैछ ।
संकल्प यात्रा आज ७६ किलोमिटर दूरी पार गरेर पाँचथरतर्फ अघि बढ्ने पार्टीका प्रचार तथा प्रकाशन विभागका प्रमुख राजेन्द्र गौतमले जानकारी दिए ।
उनका अनुसार यात्रा टोली गएराति अध्यक्ष केपी शर्मा ओलीको जन्मथलो आठराईमा बास बसेको थियो । आजपाँचथरमा आमसभा आयोजना गरिएको छ ।
यो यात्रा पुस १ गते मध्यपहाडी राजमार्गको पूर्वी विन्दु पाँचथरको चिवाभञ्ज्याङ पुगेर पुगेर टुंगिनेछ । यात्रामा अध्यक्ष ओलीसहित अन्य पदाधिकारी तथा नेता–कार्यकर्ता सहभागी छन्।
