पोखरा ।

पोखरामा गाईलाई ठक्कर दिने सवारी चालक पक्राउ परेका छन् । पक्राउ पर्नेमा धादिङ रोराङ न।पा। वडा नं। ३ बस्ने वर्ष २८ को रोशन ठकुरी रहेको जिल्ला प्रहरी कार्यालय कास्कीले जानकारी दिएको छ ।

पोखरा महानगरपालिका वडा नम्बर १० औद्योगिक क्षेत्रमा काठमाडौं जाँदै गरेको ना ५ ख २११३ नंम्बरको यात्रुवाहक बसले बाटोमा हिडिरहेको गाईलाई ठक्कर दिदाँ गाईको घटनास्थलमै ज्यान गएको थियो ।

हिजो(सोमबार) बिहान बसले गाईलाई ठक्कर दिई चालक ठकुरी फरार रहेका थिए । उनलाई तनहुँ शुक्लागण्डकी नगरपालिका वडा नं.५ बेलचौतारा स्थितबाट बस र चालक पक्राउ परेको प्रहरीले जनाएको छ ।

उनी माथि कास्की जिल्ला अदालतबाट पशुपंक्षी सम्बन्धी मुद्दामा दिन (१०) दश म्याद थप गरी अनुसन्धान प्रकृया अगाडी बढाइएको प्रहरीले जनाएको छ।