पोखरा ।
पोखरामा दुई वटा स्कुटर चार्ने बालक एक बालक पक्राउ परेका छन् ।
पक्राउ पर्नेमा बागलुङ स्थायी घर भई हाल पोखरा महानगरपालिका वडा नम्बर वडा नम्बर १६ दिप बस्ने वर्ष १७ का एक जना बालक रहेको जिल्ला प्रहरी कार्यालय कास्कीले जानकारी दिएको छ ।
मंसिर १९ गतेको दिन पोखरा महानगरपालिका वडा नम्बर ३ स्थित नदिपुरमा पार्किङ गरी राखेको ग १४ प २०३४ नम्बरको स्कुटर र वडा नं.१ बगर स्थित पार्किङ गरी राखेको ग ८ प ९९३ नम्बरको स्कुटर चोरी भएको भन्ने सूचनाको आधारमा खोजतलास गर्दा बालक पक्राउ परेका हुन् ।
जिल्ला प्रहरी कार्यालय कास्की तथा वडा प्रहरी कार्यालय बगरबाट खटिएको प्रहरी टोलीले बालकसहित ग १४ प २०३४ नम्बरको स्कुटर सहित फेला पारेको र सोधपुछ गर्दा ग ८ प ९९३ नम्बरको स्कुटर समेत चोरी गरेको भेटिएको प्रहरीले जनाएको छ ।
बालकमाथि चोरी तथा डाँका सम्बन्धी मुद्दामा दिन ५ म्याद थप गरी अनुसन्धान प्रकृया अगाडी बढाईएको प्रहरीले जनाएको छ ।बालक यस अघि समेत ३ पटकसम्म चोरी मुद्दामा पक्राउ भईसेकको रेकर्डबाट खुलेको छ।
