पोखरा ।

नेकपा एमालेका अध्यक्ष केपी शर्मा ओलीलाई पोखरामा कालोझण्डा देखाइएको छ । बेगनासताल नजिक उनलाई युवाहरुले कालोझण्डा देखाएर यात्राको विरोध जनाएका हुन् । आफ्नो घर छेउमा बाटो स्तरोन्नती नभएको आरोप युवाहरुले लगाएका छन् ।

कालो झण्डा देखाउने युवाहरुले बोल्दा मात्रै समृद्धि हो, फिल्डमा समृद्धि कहिले आउँछ भन्दै प्रश्न गरे । उनीहरुले भने,‘हाम्रो ठाउँको बाटो किन बनेन भनेर सोध्न नपाउने हुन्छ ? बाटो हिँड्नै नहुने भैसक्यो । घरसम्म धुलो आइपुग्छ ,१० वर्ष भैसक्यो बाटो नबनेको । समृद्धिको लागि टोली हिँडेको छ । हाम्रो हालत यस्तो छ ।’उनीहरुले भने

सहित युवाहरुले कालोझण्डा देखाउँदा ओलीसँगै यात्रा गरेका सदस्यहरुले रोकेका थिए ।ओली पोखराबाट बेगनास हुँदै लमजुङतर्फ गएका छन् । सुरुमा यहि बाटोलाई मध्येपहाडी लोकमार्गमा जोड्ने प्रयास गरिएको थियो ।