काठमाडौँ ।

‘हिमालय रोडिज सिजन ५’को उपाधि खोटाङका सञ्जिप राईले जितेका छन् । सोमबार सम्पन्न ग्राण्ड फिनालेमा विजेता बनेका राईले १० लाख नगदका साथै मोटरसाइकल समेत हात परेका छन् ।

प्रतियोगितामा विश्व मगर उपविजेता भए । मगरले ५० हजार रुपैयाँ प्राप्त गरे । हिमालय टेलिभिजनका अध्यक्ष धर्मराज भुषालसहित कार्यक्रमका प्रायोजकहरुले विजेतालाई पुरस्कार प्रदान गरेका थिए ।

लाहुरे बन्ने सपना पालेका सञ्जीवले अहिलेसम्म ४ वटा गीत सार्वजनिक गरिसकेका छन् ।गत साउनबाट सुरु भएको पाँचौ सिजनको डिजिटल अडिसनमा चार हजार ४०० र फिजिकल अडिसनतर्फ एक हजार ११६ जना सहभागी थिए ।

‘पावर अफ फाइभ’को थिममा पाँचौ सिजन अगाडि बढेको थियो । शोमा र्‍यापर लाउरेसहित अभिनेता अनुपविक्रम शाही, अभिनेत्रीद्वय दीया मास्के र प्रियंका कार्की ग्याङ लिडरको रूपमा थिए ।