नयाँ दिल्ली ।
बडा दशैं सकिन नपाउँदै नेपाली बजारमा प्याजको भाउ बढ्ने हल्ला चलेको छ । भारतमा प्याजको भाउ बढेसँगै नेपालमा पनि प्याजको भाउ बढ्ने अनुमान गरिएको हो ।
भारतमा प्याजको भाउ किलोकै ८० रुपैयाँ पुगेको छ । आपूर्ति अभावबिच हालैका दिनमा प्याजको भाउ बढेको हो ।
राजधानी नयाँ दिल्लीको खुद्रा बजारमा एक किलो प्याज ६५ रुपैयाँदेखि ८० रुपैयाँबिच किनबेच भइरहेको छ । भारतमा प्याजको भाउ बढेपछि भारतसँग निर्भर नेपालमा स्वत भाउ बढ्ने निश्चित जस्तै छ ।
