पोखरा।
तारा एयरले यहि भदौँ २५ गतेदेखि पोखरा जोमसोम नियमित उडान गर्ने भएको छ ।तारा एयरले प्रतिकुल मौसमसँगै उडान बन्द गरेको हो । बिस्तारै मौसम अनुकुल हुन थालेको र पर्यटक सिजन पनि सुरु हुन लागेकोले उडान नियमित हुन लागेको हो ।
जोमसोमको नियमित उडानका लागि तारा एयरले एउटा विमान पोखरामै रात्रि बिसान गर्नेछ । हालका लागि मौसम अनुकुल भए दैनिक ५ वटा उडान गर्ने गरि तालिका मिलाइएको छ ।
तारा एयरको उडान पोखराको पुरानो एयरपोर्ट बाटै संचालन हुनेछ ।