पोखरा ।
पोखरामा आगामी आइतबारदेखि तेस्रो डायमण्ड मेला हुने भएको छ । आगामी ७ गतेदेखि १२ गतेसम्म डायमण्ड मेला आयोजना गर्न लागिएको संस्थाका कञ्चन क्यापिटलका अध्यक्ष विमलमान गुभाजुले जानकारी दिए ।
कञ्चन क्यापिटल प्रालिको आयोजनामा हुन लागेको मेला पालिखेचोकस्थित पञ्चरत्न आभूषणमा सञ्चालन हुने गुभाजुले बताए ।
मेला बिहान १० बजेदेखि सुरु भएर साँझ ७ बजेसम्म सञ्चालन हुने पञ्चरत्न आभूषण प्रालिका अध्यक्ष शोभितमान बुद्धाचार्यले जानकारी दिए । एक हप्ता सञ्चालन हुने मेला अवधिभर डायमण्ड खरिदमा विशेष छुट दिइने छ ।
