पोखरा ।

पोखरा महानगर वडा नं ३० मा विद्यालय स्तरिय चित्रकला प्रतियोगिता सम्पन्न भएको छ । पोखरा महानगर सामाजिक शाखा र वडा ३० संयुक्त आयोजनामा वडाभित्रका विद्यालयका बालबालिकाबीच प्रतियोगिता भएको हो ।

प्रतियोगितामा त्रिभुवन शान्ति विद्यालयकी सलोनि मिश्र पहिलो,गुरुकुल विद्याश्रमकी स्मारिका बिश्वकर्मा दोस्रो गोल्डेन नेचर बोर्डिङ्गकी अकिंता सुनार तेस्रो न्यु लाईट बोर्डिङ्गकी सपना थापा र शहिद स्मारक आधारभूत विद्यालयका बिनोद थापा चौथो भएका छन् ।
वडा अध्यक्ष दुर्गा प्रसाद सुवेदीले बालकालिकाहरुको प्रतिभा प्रस्फुटनको लागि प्रतियोगिता आवश्यकता हुने बताए ।

विद्यालय स्तरिय चित्रकला प्रतियोगिताका सयोंजक वडा सदस्य भिम कुमारी पुन मगरले विद्यालयको शिक्षाले मात्र नहुने भएकोले यस्ता प्रतियोगिता आगामी दिनमा पनि प्रतियोगिताहरु गरिरहने बताए ।

वडा बाल मञ्च र बाल संरक्षण समितिको आग्रह अनुसार नै आगामि कार्यक्रमहरु हुने मगरको भनाई थियो ।प्रमुख निर्णायक विश्वकला यात्री प्राज्ञ नगेन सिंहले कला कहिल्यै नराम्रो नहुने भएकोले पुरस्कृत नभए पनि आफ्नो सिर्जना गरिरहनु पर्ने भनाई राखे ।