पोखरा ।

युवाहरुमाँझ चर्चित रक व्याण्ड अल्बाट्रोसको आज पोखरामा लाइभ कन्सर्ट हुने भएको छ । पोखरा आउन लागेको अल्बाट्रोसले आज यही पोखरामा नयाँ एल्बम रिलिज गर्ने भएकोे छ । अल्बाट्रोसले व्याण्डको नयाँ एल्बम रातकी रानी लन्चिङ गर्ने भएको हो ।

पोखराको लेकसाइडमा रहेको प्याराडिसो स्पोर्ट्स बार एन्ड ग्रिलमा जेठ ५ गते आज साँझ लाइभ कन्सर्टमा ब्यान्डले नयाँ एल्बम लन्चिङ गर्ने छ । अल्बाट्रोसको फर्कि फर्कि नहेर मलाई, तिमि अनि मेरो त्यही एउटा कुरा लगाएतका गीतहरु चर्चित छन् ।

सन् १९९८ मा स्थापना भएको यो व्याण्डले नेपाली साँगीतिक जगतमा ऐतिहासिक स्थान बनाएको छ । विश्वका विभिन्न ठुला सहरहरुमा अल्बाट्रोसले लाइभ कन्सर्ट गरी सकेको छ । यो व्याण्डका मेन भोकलिस्ट शिरिष दाली हुन भने सन्नि मानन्धर, अभय सिद्धि बज्राचार्य, किस्मत डी श्रेष्ठ व्याण्ड मेम्बर रहेका छन् ।

कार्यक्रमको टिकट १ हजार र ५ सय रुपैयाँ रहेको प्याराडिसो स्पोर्ट्स बार एन्ड ग्रिलका म्यानेजर हरी पौडेलले जानकारी दिए । उनले क्युआरकोड प्रयोग गरेर इसेवाबाटै अग्रिम टिकट लिन र अग्रिम टेबल बुकिङ गर्न सकिने छ ।