युक्रेनको राजधानी किभमा रुसले एक पटक पुनः भारी हवाई हमला गरेको छ । यो महिना यो आठौँ हमला हो । हमलामा तीन जना घाइते भएको खबर छ । सोसल मिडियामा एयर डिफेन्स सिस्टमबाट मिसाइललाई खसालिएको भिडियो देखिएको छ ।

मिसाइलमा हमलाका बेला भग्नावशेष खस्ने डर भएकोले युक्रेन सरकारले मानिसलाई झ्यालबाट टाढै बस्न भनेको छ ।किभका मेयर विताली किलित्शकोले रकेटका केही भग्नावशेष केन्द्रीय जिल्लामा खसेको बताएका छन् ।

एउटा चिडियाखानामा पनि भग्नावशेष खसेको छ । रुसले जुन हमला गरिरहेको छ त्यसमा ड्रोन र मिसाइल दुवै प्रयोग गरिँदै छ । किभका अधिकारीले यो हमला निकै भीषण भएको बताएका छन् ।