बैंकक ।

पूर्व प्रेमीसहित आफ्ना १२ साथी र चिनजानलाई साइनाइड खुवाएर मारेको आरोपमा थाई प्रहरीले एक महिलालाई पक्राउ गरेको छ । प्रहरीले सरत रंग्सिवुतापोर्न नामकी महिलालाई मंगलबार बैंककबाट पक्राउ गरेको हो । उनका एक साथी सिरीपोर्न खानभोङको मृत्युपछि ती महिलालाई पक्राउ गरिएको हो ।

पक्राउ परेका महिलाको भूमिकामाथि पीडित परिवारले शंका व्यक्त गरेका छन् । प्रहरीले रंग्सिवुतापोर्नले आफ्नो पूर्व प्रेमी सहित अन्य ११ जनाको पनि हत्या गरेको बताएको छ। तर, उनले प्रहरीले लगाएको आरोप अस्वीकार गरेकी छन् ।