काठमाडौं ।

क्रिकेटर सन्दीप लामिछानेले र्वल्ड लिङ्कको तर्फबाट एक लाख नगद पुरस्कार प्राप्त गरेका छन् । सर्वाधिक छिटो १०० एक दिवसीय विकेटको किर्तिमान राखेका उनलाई ट्रफी र उपहार पनि प्रदान गरिएको छ ।

आज कतारविरुद्धको म्याचपछि सन्दीपलाई उपहार हस्तान्तरण गरिएको हो ।आज कतारविरुद्धको म्याचमा नायक बनेका सन्दीप प्लेयर अफ दी म्याचसमेत बनेका छन् । उनले ब्याटिङमा सर्वाधिक ४२ रन बनाउनुका साथै बलिङमा ५ विकेट लिएका थिए ।