जनकपुरधाम ।
रौतहटको ईशनाथ नगरपालिका ६ मा आगलागी हुँदा सुतेकै अवस्थामा जलेर एक बालिकाको मृत्यु भएको छ ।
मंगलवार राति करिब १० बजे मोजिबुल रहमानको घरमा आगो लाग्दा उनकी ११ वर्षीया छोरी रजिया खातुनको सुतेकै अवस्थामा जलेर ज्यान गएको हो । सुतेकै कारण आगो लागेको थाहा पाएर भाग्न नसकेपछि उनको जलेर ज्यान गएको रौतहट प्रहरीले जनाएको छ।
आगलागीबाट घरपालुवा जनावर र लाखौँको धनमाल जलेर नष्ट भएको छ ।
