पोखरा ।

नेपाल भूतपूर्व खेलाडी मञ्च र पोखरा क्रिकेट एकेडेमीले सिनियर राष्ट्रिय क्रिकेट टोलीका सदस्य करण केसीसहित ४ राष्ट्रिय खेलाडीलाई सम्मान गरेको छ । मञ्च र एकेडेमीले करणसहित यू–१९ राष्ट्रिय क्रिकेट टोलीका सदस्य सुभाष भण्डारी, अर्जुन कुमाल र दिपकराज डुम्रेलाई नगदसहित सम्मान गरेको हो ।

गत चैत २ गते सम्पन्न लिग टु क्रिकेटमा नेपाललाई क्वालिफायर राउण्डमा पु¥याउन भूमिका खेल्ने करणलाई मञ्चले नगद २० हजार, यू–१९ विश्वकपमा पु¥याउन भूमिका खेल्ने गण्डकी प्रदेशका सुभाष भण्डारी, अर्जुन कुमाल र दिपकराज डुम्रेलाई जनही नगद ५ हजार नगद र सम्मानपत्रसहित सम्मान गरेको हो ।

पोखरा क्रिकेट एकेडेमीले चारै जना खेलाडीलाई जनही नगद ५-५ हजार प्रदान गरी सम्मानित गरेको छ । डुम्रे भने सम्मान कार्यक्रममा उपस्थिति हुन सकेका थिएनन् । करण बागलुङ, डुम्रे नवलपुर, सुभाष र अर्जुन कास्कीका हुन् ।