पोखरा।
आइसिसी विश्वकप क्रिकेट लिग–२ को त्रिकोणात्मक एकदिवसीय सिरिजअन्तर्गत पपुवा न्युगिनी (पीएनजी)सँग खेलिरहेको नेपालले २ सय ४ रनको लक्ष्य पाएको छ।
युएईमा जारी सिरिजमा नेपालले टस जितेर पीएनजीलाई पहिला ब्याटिङको निम्तो दिएको थियो।
पीएनजीले नेपाललाई ५० ओभरमा ९ विकेट गुमाउँदै २ सय ३ रन जोड्यो। पीएनजीका लागि कप्तान असाद भालाले ५३ बलमा ३६ रन जोड्दा किप्लिन डोरीगाले ५९ बलमा २९ रन जोडे।
यस्तै, चाड सोपरले ५३ बलमा ३६ रन जोडे।
पीएनजीलाई २ सय ३ रनमा समेट्नका लागि नेपालका गुल्सन झाले सर्वाधिक ३ विकेट लिँदा कुशल मल्लले २ विकेट लिए।
यस्तै, सोमपाल कामी, करन केसी र प्रतिस जीसीले समान १ /१ विकेट लिए।
