महेन्द्रनगर ।

कञ्चनपुरको शुक्लाफाँटा नगरपालिकामा वडा अध्यक्षका उम्मेदवारहरुले एक भोट पनि नपाएको पाइएको छ ।

वडा नं. ७ को वडा अध्यक्षमा स्वतन्त्र उम्मेदवारी दिएका रामबहादुर ठगुन्ना र हरकसिंह ठगुन्नाले एक भोट पनि नपाएका हुन् । निर्वाचन अधिकृतको कार्यालयले सार्वजनिक गरेको नतिजा अनुसार दुबै जनाको मत शून्य छ ।

ती उम्मेदवारहरुले आफूले आफैंलाई पनि भोट नदिएको वा दिएको भोट पनि बदर भएको हुनसक्ने बताइएको छ ।रामबहादुरले खरायो र हरकसिंहले कुखुरा चुनाव चिह्न पाएको बताइएको छ।