पोखरा ।
कास्की क्षेत्र न २(२) बाट प्रदेशसभा सदस्यमा नेपाली कांग्रेसका विन्दुकुमार थापा निर्वाचित भएका छन् ।
गण्डकी प्रदेशको कानुन, सञ्चार तथा प्रदेश मामिला मन्त्री समेत रहेका उनले एमालेकी उम्मेदवार मिना गुरुङलाई पराजित गर्दै प्रदेशसभा सदस्यमा निर्वाचित भएका हुन् ।
उनले ९ हजार २७९ मत ल्याएर गुरुङलाई एक हजार ३१० मत अन्तरले पराजित गरेका हुन् । एमालेकी उम्मेदवार गुरुङले ७ हजार ९६९ मत ल्याइन् ।
राप्रपाका उम्मेदवार अरुण गिरीले ३९०२ मत प्राप्त गरे ।
