काठमाडौं ।
अफ्रिकी राष्ट्र तान्जानियामा यात्रुवाहक विमान दुर्घटना भएको छ । दार-एस-सलामबाट उत्तरी क्षेत्र बुकोबाका लागि उडेको विमान स्थानीय समयअनुसार आइतबार बिहान भिक्टोरिया लेकमा दुर्घटनाग्रस्त भएको अन्तर्राष्ट्रिय समाचार एजेन्सीहरुले जनाएका छन् ।
दुर्घटनाग्रस्त विमान प्रेसिएस एयर भएको बताइएको छ । अवतरणको समयमा विमान दुर्घटनामा परेको हो।खराब मौसमका कारण विमान दुर्घटना भएको र उक्त दुर्घटनाबाट भएको क्षतिको यकिन विवरण अझैसम्म नआएको बताइएको छ । विमानमा ३९ जना सवार थिए ।
