काठमाडौं ।
भारतीय कांग्रेस पार्टीको अध्यक्ष पदका लागि आज निर्वाचन हुदैछ। कांग्रेस आईका वरिष्ठ नेता शशि थरुर र मल्लिकार्जुन खड्गे अध्यक्ष पदका लागि भिड्ने भएका छन् । निर्वाचनमा करिब ९ हजार २ सय पार्टी प्रतिनिधिहरूले त्यसका लागि मतदान गर्नेछन् ।
मतदान स्थानीय समय अनुसार बिहान १० बजेदेखि अपराह्न ४ बजेसम्म हुनेछ । यसको नतिजा १९ अक्टोबरमा सार्वजनिक हुने भारतीय सञ्चार माध्यमले समाचार सम्प्रेषण गरेका छन् ।
अध्यक्षका उम्मेदवार दुवै जना गान्धी परिवारभन्दा बाहिरका व्यक्ति हुन् ।यद्यपि उनीहरु गान्धी परिवार निकट रहेको बताइएको छ ।
सन् २०१९ को आम निर्वाचनमा पार्टी पराजय भएपछि राहुल गान्धीले अध्यक्ष पदबाट राजीनामा दिने क्रममा नै अबदेखि गान्धी परिवारबाट कोही पनि अध्यक्ष नहुने बताएका थिए ।
