काठमाडौं ।
आगामी निर्वाचनका लागि सिट बाँडफाँट टुंग्याउन सकस परिरहेको सत्ता गठबन्धनलाई दशैं अगावै सिट बाँडफाँट टुग्याउन दबाब बढिरहेको छ ।
सत्ता गठबन्धनका शीर्ष नेताहरू अहिले सिट बाँडफाँटको टुंगो लगाउन निर्णायक छलफलमा बसीरहेको छ ।। दसैंको कोजाग्रत पूर्णिमाका दिन उम्मेदवारको मनोनयन दर्ता गर्नुपर्ने भएका कारण दलहरूलाई दसैं अगावै सिटको भागबन्डा टुंग्याएर उम्मेदवार चयनको छलफल गर्नुपर्ने दबाब छ ।
गठबन्धनमा प्रतिनिधिसभाका १६५ मध्ये अधिकतम सिटमा सहमति जुटिसकेको छ भने प्रदेशसभातर्फका ३३० सिटको बाँडफाँटबारे कार्यदलले आइतबार र सोमबार छलफल गरेर त्यसबारे भएको सहमति शीर्ष नेताहरूलाई बुझाएका छन् ।
कार्यदलले दिएको निचोडका आधारमा मंगलबार शीर्ष नेताहरूबीच छलफल चलिरहेको छ । बिहान ११ बजेदेखि बालुवाटारमा सिट बाँडफाँटको विषयमा छलफल भइरहेको छ ।
