खलङ्गा ।
दार्चुलामा जिप दुर्घटना हुदाँ एक जनाको ज्यान गएको छ । भने ५ जना घाईते भएका छन् । अपिहिमाल गाउँपालिका–५ तिम्लामा बिहीबार राति जिप दुर्घटना भएको हो ।
मृत्यु हुनेमा अपिहिमाल–६ का १८ वर्षीय दिनेशसिंह धामी रहेका छन् । उनको घट्नास्थलमै मृत्यु भएको बताइएको छ ।मार्मा गाउँपालिकाको लटिनाथबाट अपिहिमालको मकरीगाडतर्फ जाँदै गरेको म १ ज २३३ नम्बरको जीप दुर्घटनामा परेको हो ।
जीप सडकबाट झण्डै २०० मिटर तल खसेको र त्यसमा चालकसहित नौजना सवार रहेको प्रहरीले जनाएको छ । घाइते पाँच जनाको लटिनाथ स्वास्थ्य चौकीमा उपचार भइरहेको छ ।
