पोखरा ।

नारीशक्ति जागरण आमा समुह पोखरा १७ आँखा  अस्पतालचोकको तेश्रो साधारण सभा तथा दोश्रो अधिवेशनले प्यारी गुरुबको
अध्यक्षतामा १५ सदस्यीय नयाँ कार्य समिति सर्वसम्मत चयन गरेको छ ।दुई बर्षे कार्यकाल रहेको सो समुहको उपाध्यक्षमा राधादेवी पौडेल लम्साल,सचिवमा पूर्णकला पोखरेल, कोषाध्यक्षमा सरास्वती नेपाल सुवेदी, सहसचिव मञ्जु
के.सी, सहकोषाध्यक्षमा हरिकमला के.सी. चयन भएकी छन् ।

समुहको सदस्यहरुमा सिता पौडेल क्षेत्री, डीलमाया कार्की, दुर्गाकुमारी शर्मा, सुजिता पराजुली, कल्पना गोदार, पुष्पलक्ष्मी महर्जन, ज्योति शेरचन, आशा सेवा परिवार र अप्सरा गोदार रहनु भएको छ । अधिवेशनले कार्यसम्पादनका लागि बिभिन्न पाँच
उपसमिति समेत गठन गर्ने निर्णय गरेको छ ।

अधिवेशनको उद्घाटन गर्दै पोखरा १७ का वडाअध्यक्ष राधिका शाही योगीले आमा समुहमार्पmत नेतृत्व विकास गर्दै उद्यमशिलतासंग जोडिनु पर्ने आवश्यकता औल्याइन ।

गैरसरकारी संस्था महासंघ (गैसस) नेपालका अध्यक्ष रामप्रसाद सुवेदीले संवैधानिक व्यवस्थाले प्रदत्त अधिकारको उपयोग गर्न आमाहरु संगठित भएर अघि बढ्नु पर्नेमा जोड दिइन् ।

समुहका अध्यक्ष शिशिर गोदारको अध्यक्षतामा भएको कार्यक्रममा पत्रकार हरि  बास्तोला, समाजसेवी लिलबहादुर जिसी, छहारी टोलविकास संस्थाका अध्यक्ष दिपक गोदारले आमा समुहले सभ्य समाज निर्माणमा अतुलनिय भूमिका खेल्दै आएको
धारणा राखे ।

समुहका सचिव राधादेवी पौडेल लम्सालले बार्षिक प्रगति प्रतिवेदन र कोषाध्यक्ष सरास्वती नेपाल सुवेदीले आर्थिक प्रतिवेदन प्रस्तुत गर्नुभएको कार्यक्रममा उपाध्यक्ष प्यारी गुरुबले स्वागत र गरेकी थिइन् ।