एजेन्सी ।
दक्षिण कोरियामा ८० वर्ष यताकै भारी वर्षा भएको छ । भारी वर्षापछि आएको बाढीमा ८ जनाको मृत्यु भएको समाचार एजेन्सीले जनाएका छन् ।
बाढीका कारण ठाउँ–ठाउँमा घर भत्कँदा १४ जना घाइते भएका छन् । दक्षिण कोरियाको राजधानी सिओल बाढीको चपेटामा पर्दा हजारौं विस्थापित भएका हुन् ।
नदीको सतह बढेर बस्तीसम्म प्रवेश गर्दा उनीहरू विस्थापित भएका हुन् । बाढीका कारण मेट्रो, रेलवे सेवा, हवाई लगायत सार्वजनिक यातायात सेवा पूर्ण रूपमा प्रभावित भएको छ ।
पार्किङमा राखिएका निजी सवारीसाधन बाढीले बगाउँदा लाखौंको क्षति भएको छ । दक्षिण कोरियामा ८० वर्षपछि यति भारी बर्षा र बाढी आएको त्यहाँको मौसमविद्हरूले बताएका छन् ।
