स्याङ्जा ।
तीन जिल्ला जोड्ने गरि स्याङ्जामा तीनमुखे पुलको निर्माण सम्पन्न भएको छ ।
नेपालकै नमुना स्वरुप स्याङ्जा, गुल्मी र पाल्पाको संगमस्थलमा तीनमुखे झोलुंगे पुलको निर्माण कार्य सम्पन्न भएको हो ।
तीनमुखे पुल बनेपछि तीन जिल्लाका नागरिकलाई आवतजावत गर्न सहज भएको छ । पुल निर्माण २०७१ मंसिर १५ देखि सुरु भएको थियो। बर्खाको समयमा कालीगण्डकी नदीमा आउने बाढी, आर्थिक अभाव र कोरोना महामारीका कारण पुल निर्माणमा लामो समय लागेको व्यवसायीले बताएका छन् ।
निर्माणको जिम्मा नयाँ बाटो रुविना मनाजेभी कम्पनीले पाएको थियो । पुल ९ करोड ८८ लाख लागतमा निर्माण सम्पन्न भएको हो ।
