पोखरा ।
पोखराको बिरौटा चोकमा बेंकको एटिएम फोर्दै गरेको अवस्थामा कास्की प्रहरीले एक जनालाई पक्राउ गरेको छ । जिल्ला प्रहरी कार्यालय कास्कीका अनुसार पर्वतको कुश्मा नगरपालिका-३ का २३ वर्षीय कृष्ण बहादुर विक शुक्रबार राति एटिएम मेशिन फोर्दैगर्दा पक्राउ परेका हुन् ।

विरौटामा एनआइसी एशिया बैंकको एटिएम मेसिन फोरिरहेको बेला उनलाई राति ११ बजे पक्राउ गरिएको जिल्ला प्रहरी कार्यालय कास्कीका प्रवक्ता प्रहरी नायव उपरीक्षक सुन्दर कुमार तिवारीले जानकारी दिए ।

बिकलाई हाल कास्की जिल्ला अदालतबाट दिन ७ को म्याद थप अनुमति लिई चोरी उद्योग कसूरमा थप अनुसन्धान भइरहेको प्रवक्ता तिवारीले जानकारी दिएका छन् । उनका अनुसार बिक यस अगाडि पनि माछापुच्छ्रे बैंकको एटिम फोर्दै गर्दा पक्राउ परेर सजायँ भोगिसकेका व्यक्ति हुन् ।