काठमाडौं ।
प्रहरीले काठमाडौंको छुट्टाछुट्टै स्थानबाट ठुलोमात्रामा प्रतिबन्धित लागू औषध(ड्रग्स)सहित २२ जनालाई पक्राउ गरेको छ ।
नेपाल प्रहरीको लागू औषध नियन्त्रण व्यूरोले ४५९ ग्राम खैरे हेरोइनसहित १२ जना र डाइलेक्स डिसी र नाइट्राभेट ट्याबलेटसहित १० जना पक्राउ गरेको हो ।
नेपाल प्रहरीको लागूऔषध नियन्त्रण व्युरो कोटेश्वरले २०७८ असार ३२ देखि साउन १८ गते बुधबारसम्म १९ दिनमा चार महिलासहित १८ पुरुषलाई पक्राउ गरेको हो ।
बरामद गरिएको लागूऔषधको कूल बजार मूल्य ५८ लाख १० हजार ८०० रहेको जानकारी प्रहरीले दिएको छ ।
