म्याग्दी ।

म्याग्दीमा पहिरोले घर पुरिदाँ एकै घरका दुई जनाको ज्यान गएको छ भने तीन जना बेपत्ता भएका छन् ।

भारी वर्षासँगै गएराति घरमाथिको पाखोबाट आएको पहिरोले स्थानीय घामबहादुर विकको घर पुरिँदा छोराहरू १३ वर्षका राजन विक र १५ वर्षका नविन विकको मृत्यु भएको हो । तीनजना अझै बेपत्ता रहेको इलाका प्रहरी कार्यालय दरबाङले जनाएको छ।

प्रहरी नायब उपरीक्षक तिलक भारतीका अनुसार पहिरोमा परेर घाम बहादुर विक, उनको श्रीमती र सात वर्षीया छोरी बेपत्ता छन् । स्थानीयबासीले उनीहरूको खोजी गरिरहेका छन ।