पछिल्लो २४ घण्टामा थप ७१० जनामा कोरोना भाइरस (कोभिड–१९) को संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभर ५ हजार २५ नमुना परीक्षण गर्दा उनीहरुमा संक्रमण पुष्टि भएको हो ।पछिल्लो २४ घण्टामा थप २ जनाको मृत्यु भएको छ ।
यससँगै कोरोना संक्रमणबाट मृत्यु हुनेको संख्या ११ हजार ९६२ पुगेको छ । यसैबीच आज एकैदिन गण्डकी प्रदेशमा ९६ जनामा कोरोना संक्रमण पुष्टि भएको छ । कास्कीमा सबैभन्दा धेरै ५६ जना संक्रमित थपिएका छन् ।
यस्तै बागलुङमा २०, स्याङ्जामा १२,नवलपरासी र तनहुँमा ३/३ र पर्वत र गोरखामा १/१ जनामा संक्रमण पुष्टि भएको छ ।
