नेपाली राष्ट्रिय टोलीको मुख्य प्रशिक्षकबाट राजीनामा दिएको केही घण्टा पनि बित्न नपाउँदै पुबुदु दशानायकेले क्यानडाको राष्ट्रिय क्रिकेट टोलीको प्रशिक्षकमा नियुक्त भएका छन् ।पुबुदुले क्यानडाको टिममा प्रशिक्षक सम्हाल्ने भएको क्यानडा क्रिकेटले जनाएको छ ।

उनले व्यक्तिगत कारण देखाउँदै आज मात्र नेपाली टिमको प्रशिक्षकबाट राजीनामा दिएका थिए । ‘मेरो आफ्नै व्यक्तिगत कारण छन् जसलाई मैले सम्हाल्नुपर्छ । त्यसैले म यो राजीनामा दिँदा दुखित छु,’ पुबुदुले भनेका थिए ।

बुधबारको पत्रकार सम्मेलनमा दशानायाकेले नेपाली राष्ट्रिय क्रिकेट टिममा जति गरेपनि एकता ल्याउन नसकेको बताए । टिममा पछिल्लो समय ९५ प्रतिशत एकता भएको उनको भनाइ थियो । ‘मैले सुरुवात गर्दा टिममा एकता थिएन । अहिले ९५ प्रतिशत एकता छ । अमेरिका टुरमा ७५ प्रतिशत एकता थियो,’ पुबुदुको भनाइ थियो ।