काठमाडौं । रुसले हजारौं युक्रेनीलाई जबरजस्ती रुस लगेको छ ।
युक्रेनका अधिकारीहरुको संलग्नाबिनै युद्धग्रस्त युक्रेनबाट ५ हजार बालबालिकासहित झण्डै ३० हजार मानिसलाई रुसमा स्थानान्तरण गरेको जनाइएको छ ।
अन्तर्राष्ट्रिय सञ्चारमाध्यमका अनुसार पछिल्लो २४ घण्टाको अवधिमा २८ हजार ४ सय २४ युक्रेनी नागरिकलाई रुसले लगेको हो ।
डनबस क्षेत्रसहित युक्रेनका जोखिमपूर्ण क्षेत्रबाट ती मानिसलाई रुसमा सारिएको बताइएको छ । युक्रेनका अधिकारीहरूले भने रुसले ती नागरिकलाई बलपूर्वक लगेको जनाएका छन् ।
यस्तै युक्रेनका सहयोगी अन्य पश्चिमा देशहरूले पनि रुसको यस्तो कदमको विरोध गरेका छन् ।
