पोखरा ।
दमौलीमा जीपले मोटरसाइकललाई ठक्कर दिदाँ दुई जनाको ज्यान गएको छ ।
पृथ्वीराजमार्ग अन्तर्गत तनहुँ व्यास नगरपालिका–१२ देउरालीमा डुम्रेबाट दमौलीतर्फ आउँदै गरेको बा ४३ प ३०२० नम्बरको मोटरसाइकल र विपरीत दिशाबाट जाँदै गरेको ग ३ च ४१८२ नम्बरको बोलेरो जीप एकआपसमा ठोक्किँदा दुई जनाको मृत्यु भएको हो।
मृत्यु हुनेमा हेटौडा उपमहानगरपालिका-१३ बस्ने २६ वर्षीय जयराम मोक्तान र भीमफेदी गाउँपालिका(१ बस्ने २३ वर्षीय दीपेश गोले रहेको प्रहरी कार्यालय तनहुँले जानकारी दिएको छ ।
दुर्घटनामा गम्भीर घाइते भएका दुबैको उपचारको क्रममा अस्पतालमा मृत्यु भएको हो । शवलाई पोस्टमार्टमको लागि दमौली अस्पतालमा राखिएको छ । बोलेरो जीप र चालकलाई भने प्रहरीले नियन्त्रणमा लिएर अनुसन्धान गरिरहेको छ ।
