पोखरा ।
२८५ एम्पुल लागूऔषधसहित स्याङ्जाका तीन युवक पोखराबाट पक्राउ परेका छन् । पोखरा ९ नागढुङ्गाबाट अवैध लागूऔसध सहित ती युवक पक्राउ परेको जिल्ला प्रहरी कार्यालय कास्कीले जानकारी दिएको छ।
पक्राउ पर्नेमा स्याङ्जा पुतलीबजार नगरपालिका वडा नं. ८ का २५ वर्षीय युवक विराज हमाल सोही ठाउँ वडा ४ बस्ने वर्ष २६ का देवान्स थापा र आँधिखोला गाउँपालिका वडा नं. ३ का वर्ष २०का मनिष पौडेल रहेको जिल्ला प्रहरी कार्यालय कास्कीका निमित्ति प्रवक्ता तथा सूचना अधिकारी प्रहरी निरीक्षक ज्ञानबहादुर खड्काले जानकारी दिएका छन् ।
उनीहरुको साथबाट डाईजापाम– ७० एम्पुल, फेनेरागन १२० एम्पुल, नुर्फिन– ९५ एम्पुल गरी जम्मा २८५ एम्पुल र ४ वटा मोबाईल बरामद भएको खड्काले बताए ।
उनीहरु २ दिन अघि जेठ २५ गते पक्राउ परेको भए पनि प्रहरीले आज मात्रै जानकारी गराएको हो ।उनीहरुमाथि कास्की जिल्ला अदालतबाट लागू औषध सम्बन्धी मुद्दामा सात दिन म्याद थप गरी अनुसन्धान प्रकृया अगाडी बढाइएको प्रहरीले जनाएको छ।
