धादिङ ।
धादिङमा पहिरोले घर पुरिँदा एक जना बेपत्ता भएका छन् । त्रिपुरासुुन्दरी गाउँपालिका–५ घिमिरेगाउँमा पहिरोले घर पुरिँदा एक जना हराएका हुन्।
घरमाथिबाट खसेको पहिरोले घर पुरिएपछि त्रिपुरासुन्दरी गाउँपालिका–५ घिमिरेगाउँका ५५ वर्षीय सीताराम भन्ने नेत्रप्रसाद खाण हराइरहेको जिल्ला प्रहरी कार्यालय धादिङले जानकारी दिएको छ । घरका अन्य सदस्य अर्को घरमा सुतेकाले उनीहरु सकुशल रहेको प्रहरीले जनाएको छ।
रातिको समयमा अविरल वर्षाका कारण घरमाथिसडक खनेर थुपारिएको माटोको ढिस्कोसहितको लेदोले घर पुरिएको हो।
ठूलो पहिरोले घर पु्रै पुरिएको कारण उद्धारमा समस्या भएको छ । यद्यपि प्रहरी र स्थानीयले खाँणको उद्धारको प्रयास गरिरहेका छन् ।
