विराटनगर ।

श्रीमतीलाई छुरा प्रहार गर्ने श्रीमान पक्राउ परेका छन् ।

गएराती(सोमबार राती) ९ बजेतिर आफ्नै श्रीमतीलाई छुरा हान्ने मोरङको उर्लाबारी नगरपालिका–४ का ४० वर्षीय सुमन महरालाई प्रहरीले पक्राउ गरेको हो । उनको छुरा प्रहार बाट श्रीमती ३५ वर्षीय कुमारी महरा गम्भीर घाईते भएको प्रहरीले जनाएको छ ।

प्रहरीको अनुसार मादक पदार्थ सेवन गरेर घर गएका सुमनले पारिवारिक विवादपछि उनको पेटमा अन्धाधुन्ध छुरा हानेका थिए ।गम्भीर घाइते अवस्थाकी कुमारीको विराटनगरस्थित नोबेल शिक्षण अस्पतालमा उपचार भइरहेको छ । सुमनविरुद्ध ज्यान मार्ने उद्योगको मुद्दा चलाउने प्रहरीले बताएको छ ।