पोखरा ।
पोखरामा हालसम्म ३४ हजार ६१३ मत गणना गर्दा गठबन्धनका मेयर र उपमेयरका उम्मेदवारले अग्रतालाई बढाउँदै लगेका छन् ।
गठबन्धनको तर्फबाट मेयर पदका उम्मेदवार एकीकृत समाजवादीका धनराज आचार्यले १४ हजार ३६२ मत प्राप्त गर्दै अग्रता कायम राखेका हुन् ।
उनलाई एमालेका मेयर उम्मेदवार कृष्ण थापाले १२ हजार ५१७ मतसहित पछ्याइरहेका छन् । थापा आचार्यसंग एक हजार ८४५ मतले पछाडी परेका छन् ।
त्यस्तै राप्रपाका शंकर खरालले १ हजार ४८३ र अटेरी उम्मेदवार गनेस पौडेलले ८१५ मत प्राप्त गरेका छन् ।
उपमेयरमा नेपाली कांग्रेसकी कोपिला रानाभाटले अग्रता कायम राखेकी छन् । रानाभाटले १४ हजार ६८५ मत प्राप्त गर्दा उनकी प्रतिस्पर्धी एमालेकी उपमेयर उम्मेदवार मञ्जु गुरुङले १४ हजार २७५ मत ल्याएर पछ्याईरहेकी छन् ।
रानाभाट भन्दा गुरुङ गुरुङ ३९० मतले पछाडी छन् । राप्रपाकी रञ्जना सेनले १ हजार २ सय ६३ मत प्राप्त गरेकी छन् ।
