बुटवल ।
बुटवलमा एमालेबाट मेयरका उम्मेदवार भट्टराईकी श्रीमतीलाई प्रहरीले नियन्त्रणमा लिएको छ ।
बुटवलमा एमालेका उम्मेद्वार बाबुराम भट्टराईकी श्रीमती मौन अवधिमा मतदाता प्रभावित गर्न गएको आरोपमा प्रहरीले नियन्त्रणमा लिएको हो ।
बुटवल ११ मजुवामा सिर्जना भुसालको घरमा लुकिछिपी बसेको अवस्थामा प्रहरीले पक्राउ गरेको हो । सुकुम्बासी वस्तीमा पैसा बाँड्न आएको भन्दै नेपाली कांग्रेसका स्थानीय कार्यकर्ताले उनकी श्रीमती माया भट्टराईलाई घर मित्रै थुनेका थिए । त्यस पछि उक्त क्षेत्रमा प्रहरी पुगेको थियो ।
उनी मतदातालाई पैसा बाँड्न गएको आरोप स्थानीयले लगाएका छन्। त्यस पछि उक्त क्षेत्र तनावग्रस्त भएको छ ।
