अन्तत् नेपाली कांग्रेसले पोखरा महानगरपालिका मेयरमा एकीकृत समाजवादीलाई साथ दिने भएको छ।

केन्द्रले पोखरा महानगर एसलाई दिए पनि यहाँका कांग्रेस नेता कार्यकर्ताले मेयर पद नछाड्ने दाबी गरेका थिए । तर गण्डकी प्रदेश कार्यसमितिले गठबन्धनमा मेयर समाजवादीले पाउने भएपछि मेयर छोडेर उपमेयरको नाम मात्रै केन्द्रमा सिफारिस गरेको छ ।

उपमेयरमा १० जना आकांक्षी छन् ।प्रदेश सभापति शुक्रराज शर्माको अध्यक्षतामा बसेको पदाधिकारीको बैठकले उपमेयरका आकांक्षीको मात्रै नाम पठाउने निर्णय गरेको हो ।

सिफारिस हुनेमा माया बराल कार्की, लक्ष्मी पाण्डे क्षेत्री, आनन्दी राणा कार्की, रंगीला आचार्य, टीकाकुमारी गुरुङ, दीपक मल्ल, मिलन थापा, चिनु गुरुङ, गोविन्द नेपाली र शिव केसी छन् ।