काठमाडौं ।
प्रमुख प्रतिपक्षी दल नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले नेपाल विद्युत प्राधिकरणका कार्यकारी निर्देशक कुलमान घिसिङको आलोचना गरेका छन् ।
ललितपुरमा बुधबार आयोजित एमालेको एक कार्यक्रमलाई सम्बोधनका क्रममा घिसिङले भारतलाई चार रुपैयाँमा विजुली बेचेर ३८ रुपैयाँमा किनेको भन्दै घिसिङ्को आलोचना गरेका हुन् ।
भारतमा विद्युत् निर्यातमा नेपाललाई घाटा भएको पनि ओलीले बताए । उनले विद्युत् निर्यातमा प्रतियुनिट ३४ रुपैयाँ घाटा भइरहेको दाबी गरे । ‘चार रुपैयाँमा भारतलाई बिजुली बेचेर ३८ रुपैयाँमा युनिटमा किन्ने गरेको छ । चार रुपैयाँमा बेचेर ३८ रुपैयाँमा किन्दा ३४ रुपैयाँमा प्रतियुनिट घाटामा । यस्ता व्यक्तिको फोटो लिएर हिँड्ने दल पनि छन् गठबन्धनभित्र’ उनले भने ।
माओवादीले घिसिङको तस्बिर भएको चुनाव प्रचार सामग्री तयार पारेको थियो । उक्त तस्बिरको आलोचन भएपछि र घिसिङले पनि असन्तुष्टि जनाएपछि उनको तस्बिर हटाइएको थियो । सोही कुरालाई लिएर ओलीले घिसिङको आलोचना गरेका हुन् ।
