महोत्तरी ।
महोत्तरीको सोनमा गाउँपालिका–८ शिवनगर गाउँमा ट्याक्टरको रोटाभेटरमा परेर पाँच वर्षीय बालकको ज्यान गएको छ।
खेत जोत्ने क्रममा ट्र्याक्टरको रोटाभेटरमा परेर स्थानीय कलाम हुसैनका पाँच वर्षीय छोरा अकसर अलीको ज्यान गएको जिल्ला प्रहरी कार्यालय महोत्तरीले जनाएको छ ।
ट्याक्टर चालक स्थानीय महेश महराका छोरा २५ वर्षीय रामबाबुले बुधबार साँझ गाउँकै मुस्तकिम अन्सारीको खेतमा अनटेस्ट ट्याक्टरमा रोटाभेटर लगाई बालक अकसरलाई पनि आफूसँगैका सिटमा बसाएर खेत जोत्दै गर्दा अचानक तल झर्दा रोटाभेटरमा परेर उनको घटना स्थलमै मृत्यु भएको प्रहरीले जनाएको छ ।
घटनालगत्तै ट्याक्टर चालक महेश फरार भएका छन् भने प्रहरीले उनको खोजतलास गरिरहेको छ ।
