मकवानपुर ।
मकवानपुरको मनहरीमा यात्रुवाहक बस दुर्घटना हुँदा २ जनाको घटना स्थलमा नै मृत्यु भएको छ भने ९ जना घाइते भएका छन् ।
हेटौंडाबाट चितवनतर्फ आउँदै गरेको बा ४ ख ४४५४ नम्बरको यात्रुवाहक बस मनहरी गाउँपालिका वडा नम्बर–६ सुनाचुरी भुल चोकमा दुर्घटना भएको एलाका प्रहरी कार्यालय मकवानपुरले जानकारी दिएको छ ।
प्रहरीका अनुसार बस अनियन्त्रित भइ पल्टिएर दुर्घटना भएको हो । इलाका प्रहरी कार्यालय मकवानपुरबाट प्रहरी टोली परिचालित भइ उद्दारको काम भइरहेको छ।
बसमा कति यात्रु थिए भन्ने अहिले नै एकिन भइसकेको छैन । घाइते ९ जनाको उद्दार गरी उपचारका लागि चितवन ल्याइएको प्रहरी जनाएको छ । घटनाबारे थप विवरण आउन बाँकी रहेको छ ।
