काठमाडौं ।
प्रहरी हिरासतमा रहेका अभिनेता पल शाहका म्यानेजर कृष्ण जोशी पक्राउ परेका छन् ।
जबरजस्ती करणीको अभियोग लागेका अभिनेता पलका म्यानेजर कृष्ण जोशी लाई यस घटनामा मतियार रहे नरहेको अनुसन्धानका लागि पक्राउ गरेको जिल्ला प्रहरी कार्यालय तनहुँले जनाएको छ।
सार्वजनिक अडियोहरुमा जोशीले डबल रोल खेलेको आँकलन गर्न सकिन्छ । पल प्रकरणले देश तातिरहेको बेला जोशी एक युट्युब च्यानलमा इन्टरभ्यु दिदैँ आफु गायक दुर्गेश बोगटी लगायतले पललाई फसाउन गेम खेलेको भन्दै माफी माग्दैँ प्रस्तुत भएका थिए ।
यस प्रकरणमा आफुले खेलेको भुमिका गलत ठहरिए सजाय भोग्न तयार रहेको जोशीले त्यस इन्टरभ्युमा बताएका थिए । जोशीलाई तनुहँबाट पक्राउ गरेको जिल्ला प्रहरी कार्यालय तनहुँले जनाको छ ।
