काठमाडौं ।
जनता समाजवादी पार्टीका गण्डकी इन्चार्ज गणेशमान गुरुङ नेकपा एमाले प्रवेश गरेका छन् ।
शुक्रबार पोखराको सभागृहमा आयोजित अगुवा पार्टी भेला तथा पार्टी प्रवेश कार्यक्रममा उनलाई एमाले अध्यक्ष केपी ओलीले पार्टी प्रवेश गराएका हुन् ।
गणेशमानसँगै केन्द्रीय सदस्य एवं तमुवान राज्य समिति इन्चार्ज देवीराज गुरुङ, केन्द्रीय सदस्य तथा तमुवान राज्य समिति अध्यक्ष हुमबहादुर गुरुङ र केन्द्रीय सदस्य एवं गण्डकी प्रदेश समितिका उपाध्यक्ष दीपक तामाङ पनि एमालेमा प्रवेश गरेका छन् ।
