पोखरा ।
गण्डकी प्रदेश सरकारले स्थापनाको चौथो वार्षिकोत्सव मनाएको छ । वार्षिकोत्सव कार्याक्रममा पहिलो गण्डकी रत्न धोषण गरिएको छ । म्याग्दीका महाबिर पुनलाई यो वर्षको गण्डकी रत्न प्रदान गर्ने कार्यक्रममा जनकारी दिइयो ।

गण्डकी प्रदेशको श्रीवृद्धि र गौरव बढाउने गरी विशिष्ट योगदान पुयाएका व्यक्तिहरुलाई प्रदेश सरकारले गण्डकी रत्नबाट सम्मान गर्ने भन्दै मन्त्री कुमार खड्काको संयोजकत्वमा छनोट समिति बनाएको थियो ।

सरकारले भौतिक पूर्वाधार, सहरी विकास तथा यातायात व्यवस्था मन्त्रालयका सचिव रामचन्द्र श्रेष्ठलाई सर्वोउत्कृष्ट कर्मचारी घोषण गरेको छ । त्यस्तै उत्कृष्ट कर्मचारी र कार्यालय पनि घोषण गरिएको छ ।

वर्षिकोत्सव कार्याक्रमलाई सम्बोधन गदै मुख्यमन्त्री कृष्णचन्द्र नेपाली पोखरेलले संघीय सरकारले प्रदेश र स्थानीय तहलाई अधिकार दिन हिचकिचाएको बताए । पोखरेलले संविधानले प्रदेशलाई दिएको जिम्मेवारी पुरा गर्नका लागि प्रयाप्त अधिकार उपयोग गर्न नपाएको बताए ।
कतिपय संघीय कानुनहरु निर्माण नहुनुका साथै संविधान अनुसार नहुनुका प्रदेशको भूमिकामा अवरोधहरु सृजना भएका भएको पोखरेलले गुनासो गरे ।

मुख्यमन्त्री पोखरेलले सरकार स्थापना भएको छोटो अवधिमा ८७३ किलोमिटर सडक, ४७ मोटरेवल पुल, ८९ सडक पुल निर्माणधिन, ३२ झोलुङे पुल निर्माण सम्पन्न भएको र ३३ वटा आगामी वर्ष सम्पन्न हुने क्रममा रहेको जानकारी दिए ।

त्यस्तै मुस्ताङको कोरला देखी नवलपुरको त्रिवेणी जोड्ेने कोरला–त्रिवेणी सडकको स्तरोन्नती गर्ने र दुइ लेनको बनाउने कामको प्रारम्भ बताए । सबै घरमा विद्युत सुविधा र एक घ रएक धारा कर्याक्रमलाई आगामी वर्ष पुरा गरिने उनले प्रतिवद्धता जनाए ।